lifðu eins og það sé enginn morgundagur

Jólin nálgast

Fri, 15 Dec 2006 02:10:01 GMT

Jæja þá er prófin búin og jólafríið framundan :haha: Aðalvandamálið þessa dagana er að finna réttu jólagjöfina handa Binnu og redda rjúpum í jólamatinn.

Ég á mjög góðan heilsukodda sem Binnu þykir gott að stela eins oft og getur og því fannst mér alveg tilvalið að gefa henni sinn eigin heilsukodda í jólagjöf svo að ég fengi að hafa minn í friði. Hugmynd mín féll ekki í góðan jarðveg og ég fékk skýr skilaboð að heilsukoddi væri EKKI málið ár 8|

Ég fer austur í næstu viku og verð fram í miðjan janúar því fyrsta vikan af fjórum í vettvangsnáminu á þessu skólaári hefst strax eftir áramót í Seyðisfjarðarskóla og hlakka ég bara til þess. Egill Sotta verður með mér í vettvangsnáminu á Seyðis og ég held að við eigum eftir að gera góða hluti.

Þið verðið að kíkja á þetta video, ég grenjaði úr hlátri yfir því :lol:

http://kvikmynd.is/video.asp?land=&offset=0&id=2855

Hvað óttumst við?

Thu, 07 Dec 2006 22:58:33 GMT

Ég var að velta fyrir mér af hverju fólk er hrætt við það sem það er hrætt við. Hvort sem fólk óttast slöngur, myrkur eða æstan sprautufíkil í dimmu húsasundi er það oftast hið óþekkta sem erum hrædd við. Fæstir hafa séð slöngur og fæstar þeirra eru hættulegar og lifa víðsfjarri, fólk óttast myrkrið því að það veit ekki hvað leynist þar né veit það hvað æsti dópistinn mun gera.

Ég rekst reglulega á orðið guðshræddur sem ég hef reyndar aldrei alveg áttað mig á en geri ráð fyrir að átt er við fólk sem er hrætt við guð og það er klárlega e-ð sem við þekkjum ekki.

Eitt af fáu sem ég veit um sem fólk óttast og er ekki óþekkt er dauðinn. Fólk þorir ekki í fallhlífastökk því það óttast að það muni deyja ef fallhlífin muni ekki opnast og er það rökréttur ótti.

Við óttumst hið óþekkta. Sumt er svo gríðarlega mikil óvissa að óttinn nær hreinlega ekki yfir, enda held ég að við færum yfirum ef við reyndum það. Að þessum lestri loknum ættir þú að skoða þetta myndband

http://kvikmynd.is/video.asp?land=&offset=72&id=2753

Temmilega smeikur Elvar kveður

Þungur lykill

Wed, 29 Nov 2006 11:19:25 GMT

Þá er magnaðri bústaðarferð lokið en henni verður ekki lýst hér öðru vísi en með þessum orðum...ERTekkað GRÍNAST??? :P Jú og kannski einni setningu sem var líka oft sögð...Þungur hnífur...

Hver hefði trúað hversu flókið það er að fá sér nýjan bíllykil? Maður labbar ekkert til næsta lyklasmiðs og fær nýjan lykil. Fyrst þarf að fara í umboðið (upp á Höfða) og fá efni í lykilinn fyrir tæpar 4 þúsund krónur. Því næst er farið með efnið til lyklasmiðs (á Laugaveginum) og hann sker út lykilinn fyrir 1000 kall. Að lokum er hægt að fara með lykilinn í Kópavog og láta forrita tölvukubb inní lyklinum fyrir 6000 krónur. Sem sagt 3 mismunandi staðir á höfuðborgarsvæðinu og borga samtals um 10.000 krónur :$

Smá pæling handa ykkur...

Hver er munurinn á hita og vama?

Enn kveikt í

Sun, 19 Nov 2006 16:01:17 GMT

Fyrir þau ykkar sem eru að velta fyrir sér hvað ég átti við með sófaatvikið í síðust færslu er það smá einkahúmor innan vinahópsins :lol:

Um daginn kveikti ég í popppottinum og það var ekkert gáfulegra atvikið sem átti sér stað í dag. Ég er mikið að vinna með og spá í kertaloga í einum áfanga í skólanum og hafði því kveikt á kerti og komið mér fyrir í sófanum til að skrifa mitt verkefni. Skrifin gengu vel og lét ég fara vel um mig í sófanum og skellti löppunum upp á sófaborðið. Skyndilega fann ég gríðarlegan hita á fætinum og sá þá að mér hafði tekist að kveikja í náttbuxunum mínum og myndaðist stórt gat :^)

Töskur í hús og strákar í bús

Tue, 14 Nov 2006 22:03:08 GMT

Sem betur fer fengum við töskurnar fljótt aftur og í heili lagi :D Nú er annað lítið ferðalag upp á teningnum og þegar ég segji lítið á ég við að það verði ekki langt en ég hef grun um að það eigi eftir að verði gríðarleg ferð (trip). Jább við strákarnir erum að fara í okkar alræmdu bústaðarferð :P Það er ávalt gríðarlegur spenningur fyrir þesum ferðum en jafnframt viss kvíði sem grípur um sig. Ég vona bara að ég skíti ekki í sófann í ár....hahahaha

Rúsínan í pylsuendanum

Mon, 06 Nov 2006 16:30:29 GMT

Að sjálfsögðu fór eins og mig grunaði. Við fengum ekki farangurinn okkar, ég meina það varð að vera einhver rúsína í pysluendanum :P

En við komust alla vega heim heil á höldnu og með tollinn :D það er nú fyrir öllu. Þannig að eftir ferðina stendur: eitt stykki ónýtur bíll, 3 stykki óskaddaðar manneskjur eftir áreksturinn og 4 stykki týndar töskur á leið til Fjarskanistan...

Það jákvæða er auðvitað að ég hitti fjölskylduna, drakk fullt af Tuborg classic, borðaði dýrindis mat og Binna fekk að versla og komst heim með eitt stykki af sem stundum er kallaður þjóðfáni Íslendinga, H&M poki :P

Flugvélar og ég eiga ekki saman

Mon, 06 Nov 2006 01:17:56 GMT

Skemmst er að minnast þess að töskurnar okkar Binnu týndust síðast þegar við fórum saman til útlanda. Nú er önnur saga (samt er möguleiki á því enn).
Við Binna ákváðum að skella okku til Köben síðasta fimmtudag og heimsækja Baldur bróðir yfir helgina. Vistin var öll sú besta og bauð Baldur upp á nóg af bjór auk þess að splæsa hreyndýrasteik á okkur. Í dag (sunnudag) var planið að fara heim en okkar ástkæra Ísafold var ekki í skapi til að hleypa okkur heim og var ekkert flogið vegna veðurs fyrr en um kvöldið.
Baldur skutlaði okkur út á völl en á leiðinni var svínað fyrir bílinn og skullum við harkalega á svínið. Bíllinn hans Baldurs er ónýtur :( en engin slasaðist.

Á meðan við biðum inn á flugstöðinni eftir að komast að því hvenær flugið okkar færi kom nakinn maður inn og byrjaði að hrópa eitthvað. Hann var handtekinn :lol:

Núna, 14 tímum, eftir áætlaðan brottfaratríma ættum við að fá að komast um borð. Sem betur fer höfum við "bara" verið 4 tíma hér á vellinum því að við komstu aftur til Baldurs og Gunnu til að fá okkur í gogginn og leggja okkur.

Burning down the house

Wed, 25 Oct 2006 21:29:22 GMT

Mér þykir gaman að elda og þyki nokkuð liðtækur í eldhúsinu þó ég segi sjálfur frá og ég átti sannkallaðan meistaradag í eldhúsinu í gær...eða þannig :S

Mig langaði í eitthvað snakk og átti ekkert nema popp. Ég skellti einum poka í örbylgjuna en þrátt fyrir að þykjast vera að fylgjast með örbylgjuofninum ásamt að horfa á sjónvarpið tókst mér að brenna poppið...HALLÓ við erum að tala um örbylgjupopp :^)

Ok þá er bara að poppa á gamal mátan. En þátturinn hafði yfirhöndina og ég gleymdi pottinum á eldavélinni og olían hitnaði því all svakalega og úr varð gríðarlegt bál þegar ég setti saltið í pottinn 8|

Eftir að hafa slökt eldinn fann ég auðvitað enn fyrir löngun í eitthvað og ákvað því að útbúa mér eggjabrauð (ég meina það var hvort sem er komin steikingar-brunabræla í íbúðina). Næst var því að steikja skinku á pönnu og velta bauði upp úr eggi og skella líka á pönnuna. En það er ótrúlegt hvað sjónvarpið hefur mikið aðdráttarafl...já þið gátuð ykkur rétt til, brauðið varð að einni brunarúst :evil:

Eftir allt þetta vesen fékk ég mér bara grænt epli tilbúið til átu beint úr ísskápnum :haha:

Blogg um ekkert

Sat, 21 Oct 2006 11:32:46 GMT

Ok ég læt ekki vel undan þrýstingi :S Ég sem bjóst við að hafa allan tíman í heiminum þegar ég byrjaði í skólanum til að blogga. Ég sá fyrir mér að sitja í fyrirlestrum fyrir framan tölvuna og blogga þegar kennarinn héldi að ég væri a glósa (fyrirmyndarnemandi). But nooo það hefur ekki verið stundlegur friður síðan ég byrjaði í skólanum, bæði í náminu og ekki síst í félagsmálum. Æ vá ég nenni að blogga lengur. Það er ekki eins og ég sé hættur að pæla, það er meira svona in the moment thing og fólk fær tækifæri á staðnum að hneykslast á hvað ég sé að spá í fáránlegum hlutum;)

Evil enginiering

Wed, 13 Sep 2006 08:39:38 GMT

Af hverju virka sumir hlutir ekki? Skinkubréf, pepperonibréf eða kjúklingaálegg sem stendur "opnist hér" virkar bara oftast ekki :frown: Náungi sem ég þekki og er verkfræðingur kallar þetta evil enginiering og ég tel það vera réttnefni fyrir þetta fyirbæri. Ætli það sé ekki einhver sem hefur verið að skemmta sér við að setja "opnist hér" á þessar pakkningar og situr heima hjá sér og hlær að fólkinu sem eyðir 20 mínútum í að reyna að opna pakkninguna? :$ Síðan eru það ostasneiðarnar í endurlokanlegum umbúðum, yeh right. Þær opnast reyndar mjög auðveldlega og lokast kannski í fyrsta skiptið en svo ekki söguna meir. Endurlokanlegar umbúðir my ass.

Hver hefur ekki lent í þessu, sundurnagaðar umbúðir?

IKEA

Sat, 09 Sep 2006 10:05:07 GMT

Hef ég sagt ykkur hvað IKEA er mikil snilld? Þar fæst allt sem mann vantar í búið og á mjög sanngjörnu verði. Ok, stundum er varan ekki til og maður þarf að bíða í 2-3 vikur og stundum þarf maður að eyða 2-3 tímum í að setja hlutinn saman heima en samt...algjör snilld. Síðan þegar maður er búinn að versla er bara að vippa sér inn í mötuneytið hjá þeim og gæða sér á úrvals sænskum kjötbollum, kjúklingi eða fiski á sama sanngjarna verðinu og annað í versluninni. Áfram IKEA :haha:

P.S. Varið ykkur á shortcuttunum, þeir rugla mann bara og maður endar með að labba miklu lengri leið en til stóð og finnur svo ekki neitt nema byrja aftur á upphafspunkti :P

Hvernig ætli það sé að vera leikari?

Thu, 07 Sep 2006 09:03:58 GMT

Ég var að velta því fyrir mér í gærkvöldi hvernig leikarar haga sér í frítímum sínum. Getur sá sem kann að tjá öll helstu svipbrigði meðvitað á sviði allt í einu hætt því og verið eðlilegur og ekta? Seigum sem svo að amma konu leikarans segist ekki komast í afmælið til hans. Skellir hann þá bara upp sorgarsvip með viðeigandi rödd til að láta ömmunni líða betur?

Sumir leikarar geta eflaust skilið vinnuna eftir á sviðinu og kannski leita aðrir í flöskuna til að reyna að tengjast raunveruleikanum :$

Upptekið kamelljón

Wed, 06 Sep 2006 09:45:05 GMT

Shit hvað er búið að vera crazy að gera hjá mér. Aðallega hefur það verið í félagslífinu en ef það er ekki það þá er það bara verkefni í skólanum. Ég hef líka veirð að flytja og er ekki enn kominn með Netið heim og hef því ekki bloggað lengi.

Hvernig er þetta með ykkur? Eruð þið að breytast allt ykkar líf? Ég tek eftir breytingum hjá mér sem standa yfir ákveðið tímabil, oft tek ég eftir þessum breytingum á tónlistinni sem ég hlusta á eða nýju fólki sem ég umgengst. Stundum líður mér eins og kamelljóni sem breytir um lit eftir umhverfinu sem það er í, úr gulum yfir í rauðan og síðan yfir í bláan eða grænan. Ég held að þetta sé af því að ég vill koma vel fyrir hjá öllum(eða flestum alla vega) en mig langar bara að vera grænn ;)

Koppur á kaggann

Sun, 20 Aug 2006 22:27:49 GMT

Eins og fram hefur komið hérna á welcome to my world fjárfesti ég í bíl um daginn er nokkuð sáttur við að komast á milli staða á honum en ég vil samt sem áður hafa mína bíla hreina og í eins góðu lagi og hægt er. Ég keypti glænýtt loftnet á toppinn og nú var það eina sem vantaði var hjólkoppur. Eftir að hafa marg oft keyrt fram hjá skiltinu koppar til sölu og séð kauða í sjálfstætt fólk (eða út og suður) taldi ég upplagt að fara í sunnudagsbíltúr til Valda koppasala og athuga hvort hann ætti ekki Nissan hjólkopp handa mér. Ég hef aldrei séð jafn marga hjólkoppa á ævi minni og auðvitað átti hann kopp handa mér, gaf mér meira að segja afslátt gegn því að fá til hans kúnna og það er einmitt það sem ég er að gera núna ;) Vertu ekki lúði og fáðu þér kopp á allar felgur hjá Valda koppasala á Hólmi (rétt utan við Norðlingaholt). Og nú hefur Valdi uppgvötað gsm símann -- 865-2717

Valdi koppasali

Geðveik ferð

Tue, 15 Aug 2006 12:42:28 GMT

Vá hvað þetta ver skemmtileg ferð til Þrándheims :haha: Ok að sitja í 30-40 stiga heitum sal og hlusta á fyrirlestur frá 9-5 er kannski ekki það þægilegasta sem maður gerir en allt hitt var hrikalega gaman. Það er alveg óhætt að segja að ef Ísland hefði ekki verið á þessari ráðstefnu hefði mikið vantað. Við fórum á kostum í leikrænum tilburðum, áttum að sjálfsögðu áhugaverðasta matarborðið með hákarli, harðfiski og Brennivíni og lékum á alls oddi :P Það er ekki hægt að fara út í nein smáatriði hér en einhver talaði um slímhúðaflakk út í skógi hehe.

Ég þarf eiginlega að koma fyrir þremur utanlandsferðum fyrir áramót en ég veit ekki hvort það takist. Málið er að ég fer á fund til Köben í október og á svo tvo frímiða með Binnu sem renna út um áramótin, það er alla vega skemmtilegra eiga of marga miða til útlanda heldur en of fáa ;)

Skólinn er að byrja á mánudaginn og er ég bara farinn að hlakka til og hef góða tilfinningu um að það verði ennþá skemmtilegra heldur en í fyrra þar sem ég hef kynnst svo mikið af fólki úr skólanum (t.d. þeim sem ég var með úti).

Að lokum er það að frétta af mér að við Binna erum að flytja inn í í búð á Snorrabrautinni, gott mál það.

Hey ég gleymdi...svarið við gátunni er steinninn sem Davíð kastaði í Golíat.